Турция с Давидом Дасания. Интервью с Махинур Папба из Турции

31
0
ПОДЕЛИТЬСЯ

Ҩымш ҵуеит Сҭампыл сыҟоуижьҭеи. Аҧснытәи ахаҭарнакра ибзианы исҧылеит. Асасааирҭаҿы сыҟоуп, ак сыгым. Иҟаҵатәу азгәаҳҭеит, Шамиль Ешба иҟынтә анапынҵақәа зауз ыҟоуп. Иацы Џьансыхә Лазбеи сареи ҳалҭааит Папаҧҳа Маҳинур. Сиабадырит уи лыҧшәма Ҭума (Аҭәмаа) Раҳми. Иара адыгаа дреиуоуп, араҟа урҭ «азахәқәа» ҳәа ирышьҭоуп.

Раҳми Аҧсни аҧсуа жәлари рҿаҧхьа иџьабаа рацәоуп, уи ҳара акырынтә дҳадгылахьеит. Аҧсны амца анакыз Ҭырқәтәыла дзаанымгылеит. Далахәын Москва имҩаҧысыз, Ельцини, Шеварднаӡеи, Арӡынбеи злахәыз аҭоурыхтә еизара. Ҭума Муҳамадини иареи ирылшаз иахьа уажәраанӡа ицәыргам. Уи уажә сара ицәырзымгар, аӡә изыҟамҵашашәа сгәы иабоит.

Азныказ Ельцини Шеварднаӡеи ргәы иҭан Арӡынба «инапы ырҵәины» дара еиқәдырҽаҽаз ашәҟәы инапы иаҵидырҩырц. Уи араҟа инапы аниҵазҭгьы, ҳхьыҧшымра умбара иӡуан. Раҳми аурысшәа изеилкаауамызт. Иара акыр дуазырит, рацәа иҽиҟьеит, иҟоу шыҟоу еилырганы иазҳәашаз дишьҭалт. Анаҩс иашьцәа иреиуоу Ҭума Муҳамадин даниба, диҳәеит иҟоу зегьы еиҭаганы иеиҳәаларц.
Раҳми ихаҭа диуриступ. Изымдыруа, занааҭла изеилмырго ҳәа акгьы ыҟам. Ҭумаа аиашьцәа акырӡа ирыбзоуроуп Арӡынба ашәҟәы аҧхьатәи авариант инапы ахьаҵаимҩыз. Раҳми кавказынхыҵтәи ареспубликақәа рхадацәа дрылагьежьт, абааҧс, Аҧсны еиқәшәырха, ишәылшо зегь ҟашәҵа ҳәа реиҳәеит, ирыду аҭакҧхықәра ҳәаақәиҵеит, иааихаҵгылаанӡа дырҧырымҵит. Агәра згоит, Ҭума Раҳми иҟаиҵаз ахҭыс, уи анаҩсгьы Аҧсны азы илиршаз атәы цәыргазар, иихәҭоу аҳамҭа шиоуа. Ибзиаҵәҟьаны, аӡеиҧшҵәҟьа, издыруеит, ауаҩы иџьабаа гәаҭамзар, аҭоурых ианымзар, иара хаҭала акгьы имҳәаргьы, уи хьшәашәаӡа игәы ишҭазаауа…

Аиашазы, Маҳинур Ҭырқәтәыла инхо аҧсуа жәлар рыҩныҵҟа даҳкәажәны дыҟоуп. Ҵакыла, хыҧшала лара илываҟәылогьы ыҟоуп. Алшара соуазар, урҭгьы избар, срыҿцәажәар сҭахуп. Маҳинур иацы слыҿцәажәеит аҧсышәала, лыҧшәма сиҿцәажәеит адыга бызшәала. Москватәи ахҭыс азы ажәабжь анаҳҵеит ҭырқәшәала. Смаашьакәа арҭ анҵамҭақәа иацы аинтернет иҭазгаларгьы ауан, аха уи акаҭа уажә сахьыҟоу асасааирҭаҿ, исыздыруам иҟалаз, даараӡа ихьысҳауп. Аҭелтә интернет акәзар, Ҭырқәтәыла иҟам, акабелтә каҭа алаҳамҵозар, иҳәаадоу аинтернет.

Сҭампыл сзықәшәаша шырацәоугьы, иахьа сдәықәлоит Балбалы (Калдахәара) ақыҭаҿ имҩаҧысуа аҧсуа еизарахь. Нас сахьаго Анцәа заҵәык идыруеит.

1Комментарии

ОСТАВЬТЕ ОТВЕТ